Қазақстанның бюджет-салық саласының ашықтығын қамтамасыз ету мәселелері

Аңдатпа

Қазақстан экономикасы алуан түрлі және табиғи ресурстары мол ел ретінде тұрақты экономикалық дамуға және әлемдік аренадағы өз орнын нығайтуға ұмтылады. Осы мақсаттарға қол жеткізуге ықпал ететін негізгі факторлардың бірі бюджет-салық саласындағы ашықтық болып табылады.

Мақаланың мақсаты қаржылық ашықтықтың азаматтардың жергілікті өзін-өзі басқару органдарына деген сеніміне және олардың кірістерді төлеуге қатысты мінез-құлқына әсерін зерттеу болып табылады. Қаржылық ашықтық, сенім және төлеуге дайын болу арасындағы байланысты түсіндіргенде басқару және әлеуметтік таңдау теорияларына сүйенеді.

Зерттеу негізінде қаржылық ашықтық азаматтардың жергілікті өзін-өзі басқару органдарына деген сеніміне және олардың салықтар мен алымдарды төлеуге дайындығына оң әсер ететіндігі анықталды. Зерттеу сонымен қатар Қазақстандағы қаржылық ашықтық та, жергілікті билік органдарына деген сенім де жоғары деңгейде емес екенін көрсетті.

Практикалық маңыздылығы-сенімділікті арттыру және төлеуге дайын болу үшін қаржылық ашықтықтың маңыздылығын бағалау. Осылайша, жергілікті өзін-өзі басқару органдарына азаматтар үшін қаржылық ақпараттың сапасы мен қолжетімділігін арттырудың инновациялық жолдарын іздеу ұсынылады.

Зерттеу көрсеткендей, бюджетті барынша арттыратын жергілікті өзін-өзі басқару органдарының басшылары азаматтардың үміттерін қанағаттандыратын көбірек Мемлекеттік қызметтерді ұсына алу үшін кірістерді жұмылдыруды ұлғайтуды таңдайды.