Туризм классификациясына ғарыш туризмін енгізу моделі

Аңдатпа

Ғарыш туризмі - бұл адамзатқа ғарышты зерттеуге және жаңа тәжірибе алуға мүмкіндік беретін әлеуеті жоғары сала. Технологияның дамуымен және ғарыштық инфрақұрылымның жетілдірілуімен ғарыш туризмі туристер үшін де, бүкіл туристік индустрия үшін де жаңа перспективалар ашатын шындыққа айналды. Бұл зерттеу ғарыш туризмінің әлеуетін, оның дәстүрлі туристік индустрияға әсерін, сондай-ақ туристік бағыттарды жіктеу жүйесіне ғарыш туризмін енгізу мүмкіндігін қарастырады. Зерттеудің негізгі мақсаты - сапардың ұзақтығы, сапардың мақсаты және пайдаланылған көліктер сияқты туризм түрлерін жіктеу критерийлерінеғарыш туризмін интеграциялау мүмкіндіктерін талдау. Зерттеудің бірегейлігі - алғашқы көрсеткіштер негізінде ғарыш туризмін туризм классификациясына ресми түрде енгізілуінде. Зерттеудің практикалық маңыздылығы туризм теориясында кеңейтілген классификацияны қолдану мүмкіншілігі болып табылады. Зерттеу әдістемесі Virgin Galactic, Blue Origin, SpaceX сияқты ғарыштық компаниялардың зерттеулерінің мазмұнын талдауға негізделген.