Дағдылардан инновацияға дейін: технологиялар дәуіріндегі адами капиталдың эволюциясы

Аңдатпа

Цифрлық технологиялардың қарқынды дамуы жағдайында адами капиталдың табиғатында елеулі өзгерістер орын алуда. Осы мақаланың мақсаты – цифрландыру, автоматтандыру және жасанды интеллектіні енгізу ықпалынан адами капиталдың трансформациясын талдау. Ерекше назар кәсіби құзыреттерге қойылатын талаптардың өзгеруіне және білім экономикасындағы жаңа парадигма ретінде цифрлық адами капитал тұжырымдамасының қалыптасуына аударылады.

Мақалада адами капиталдың дамуына әсер ететін негізгі факторлар қарастырылады: цифрлық және «жұмсақ» дағдылар, үздіксіз оқу, эмоционалдық интеллект және жылдам бейімделу қабілеті. БҰҰ, Дүниежүзілік банк, OECD сияқты халықаралық ұйымдардың әртүрлі елдердегі адами капиталдың қазіргі жағдайы мен адами даму индексі бойынша деректері талданады. Қазақстан мен ұлттық ерекшеліктерді ескере отырып, басқа елдердегі құзыреттерді дамыту бойынша тиімді стратегиялардың мысалдары келтірілген.

Статистикалық деректерді талдау, контент-талдау және салыстырмалы талдауды қамтитын кешенді әдістемелік тәсіл қолданылды. Тұрақты адами әлеуетті қалыптастыру мақсатында білім беру жүйесін, корпоративтік оқытуды және мемлекеттік саясатты реформалау бойынша ұсыныстар берілген.

Зерттеудің жаңалығы цифрлық адами капиталдың кешенді тұжырымдамасын әзірлеуде және қазіргі цифрлық экономика жағдайында оны бағалаудың жаңа критерийлерін анықтауда.

Мақала цифрлық трансформация дәуірінде адами капиталды дамытуға қызығушылық танытқан зерттеушілерге, оқытушыларға, менеджерлер мен саясаткерлерге арналған және қоғамның технологиялық сын-тегеуріндерге бейімделу тетіктерін тереңірек түсінуге ықпал етеді.