ESG-принциптерін Қазақстан кәсіпорындарының стратегиялық жоспарлауына интеграциялау: Әсердің регрессиондық талдауы

Аңдатпа

Ұсынылған ғылыми мақаланың мақсаты – Қазақстан кәсіпорындарының стратегиялық жоспарлауына экологиялық, әлеуметтік және корпоративтік басқару (ESG) принциптерін енгізудің тиімділігін бағалау, сондай-ақ экологиялық және әлеуметтік жобаларға инвестициялар сияқты әртүрлі ESG факторларының компаниялардың қаржылық және әлеуметтік нәтижелеріне, сондай-ақ олардың ұзақ мерзімді тұрақтылығына әсерін талдау. Әдістері – негізгі капиталға инвестициялар мен әлеуметтік көрсеткіштер (туу және өлім коэффициенттері) арасындағы байланысты анықтау үшін регрессиондық талдау қолданылды. Нәтижелері – негізгі капиталға салынған инвестициялар, әлеуметтік көрсеткіштер мен қаржылық нәтижелер арасындағы статистикалық тұрғыдан маңызды тәуелділіктер анықталды. Кәсіпорындардың тұрақтылығын және бәсекеге қабілеттілігін арттыру мақсатында ESG-стратегияларын жетілдіру бойынша ұсыныстар әзірленді. Қорытындылар – авторлар ESG принциптерінің стратегиялық жоспарлауға енгізілуі кәсіпорындардың қаржылық және әлеуметтік тұрақтылығын жақсартуға ықпал ететінін, сонымен қатар экологиялық және әлеуметтік жобаларға инвестицияларды ұлғайту қажеттігін айтады.