Мемлекеттік инвестицияларды басқару тиімділігін бағалау бойынша халықаралық қаржы институттарының әдіснамасы
Қаралымдар: 76 / PDF жүктеулері: 91
Кілт сөздер:
бюджеттік инвестициялар, басқару сапасын бағалау, инфрақұрылымға инвестициялар, тиімділік, әдістеме.Аңдатпа
Мақалада халықаралық ұйымдардың мемлекеттік инвестицияларды басқару тиімділігін бағалау тәсілдері талданады. Мемлекеттік шығыстар және базалық инфрақұрылым деңгейі шеңберінде Қазақстан бойынша халықаралық ұйымдардың бағалауы мен рейтингтері қаралды. Инвестициялық жобаларды іске асырудың барлық тізбегін сенімді басқару жүйесі мемлекеттік инвестициялардың тиімділігін арттыра алатындығына ерекше назар аударылады. Бұл саладағы инфрақұрылымдық инвестициялар мен мемлекеттік басқарудың тиімділігі әртүрлі жолмен бағалануы мүмкін екендігі анықталды. Жүргізілген зерттеу халықаралық ұйымдардың жобаның өмірлік циклын бағалауға, инфрақұрылымдық инвестицияларды бюджеттік циклге интеграциялауға, мемлекеттік инвестициялар тиімділігінің ұлттық индекстерін (рейтингтерін) қалыптастыруға негізделген бірқатар жаңа әдістемелер әзірлегенін және практикада қолданғанын айтуға мүмкіндік береді. Авторлардың пікірінше, осы әдістемелердің кейбірі Қазақстан Республикасындағы мемлекеттік инфрақұрылымдық инвестициялардың тиімділігін бағалау үшін өзекті болып табылады.
