Жарияланымдарды библиометриялық талдау негізінде инновациялық қызмет менеджерінің құзыреттілік моделін қалыптастыру
Қаралымдар: 68 / PDF жүктеулері: 76
Кілт сөздер:
инновациялық қызмет, инновациялық менеджмент, орта буын менеджері, құзыреттілік, құзыреттілік моделі, библиометрикалық талдау, контент-талдауАңдатпа
Мақалада екі жетекші Scopus және Web of Science мәліметтер базасындағы басылымдарды библиометриялық талдауға және құжаттардың мазмұнын талдауға негізделген құзыреттілік пен дағдылардың қолданыстағы модельдері жинақталған және зерттелген.
Кіші және орта басқарушылық деңгейде жұмыс істейтін және инновациялық қызметпен айналысатын менеджерлер кәсібінің құзыреттері қарастырылады, оған мыналар кіреді: инновацияның коммерциялық әлеуетін бағалау; инновациялық қызметті басқару бойынша жедел жоспарлау және жұмысты
ұйымдастыру; инновациялық жобаның барлық кезеңдерін басқару; инновациялық нарықтағы серіктестермен жұмыс; инновацияларды нарыққа жылжыту бойынша шаралардың орындалуын бақылау және
т.б. Кәсіби, функционалды, цифрлық, әлеуметтік-мәдени және танымдық құзіреттіліктер сияқты бес
топ бойынша реттелген тізім түрінде инновациялық қызмет менеджерінің құзыреттілік моделін қалыптастыру тәсілі ұсынылады. Кәсіпкерлік саласында бес топ бойынша реттелген тізбе түрінде цифрлық
құзыреттерді қалыптастыруға көзқарас ұсынылды: ақпарат және деректер, цифрлық ортадағы коммуникациялар, цифрлық контент және шығармашылық, қауіпсіздік, мәселелерді шешу. Зерттеу нәтижелері Л. Н. Гумилев атындағы ЕҰУ-нің «Инновациялық менеджмент» және «Менеджмент» екі білім беру
бағдарламасының үш деңгейде: бакалавриат, магистратура және PhD докторантура жетілдіруге және
жаңартуға бағытталатын болады.
