Цифрлық трансформация жағдайындағы Қазақстандағы сақтандыру нарығының даму көрсеткіштерін бағалау

Аңдатпа

Бұл мақалада Қазақстанның цифрландыру жағдайында елдің сақтандыру секторының
алдында тұрған жаңа аспектілер және олардың елдің экономикалық өсуіне, жалпы халықтың өмір деңгейіне әсері қарастырылған. Сақтандыру қатынастары жүйесіндегі цифрландырудың маңызды аспектілері мен тенденциялары ерекше зерттелген. Зерттеу барысында көрнекті экономистердің зерттеу
тақырыбы бойынша қолда бар ғылыми және әдістемелік әдебиеттерді теориялық шолу негізінде пікірлері ескеріледі. Зерттеу Қазақстандағы онлайн-сақтандырудың шекараларын белгілеуге, оның қызметі
мен сақтандыру қызметтерінің ерекшеліктерін анықтауға, сақтандырудың қазіргі заманғы даму ерекшеліктері туралы сақтандыру қатынастары жүйесінің субъектілерін тереңірек түсінуге мүмкіндік береді.
Зерттеу нәтижесінде біздің елімізде онлайн-сақтандыру қызметін одан әрі дамыту бойынша ұсыныстар
ұсынылды, сондай-ақ, авторлар жүргізген зерттеу нәтижесінде ұсынымдық сипаттағы кейбір шаралар
берілген.