Еуразиялық Экономикалық Одақ елдерінің қайта индустрияландыруы жағдайында ғылыми сыйымды экономика дамуының негізгі үрдістері

Аңдатпа

Бұл мақалада қайтаиндустрияландыру саясатын жүргізуді есепке ала отырып, Еу-
разиялық экономикалық одақ елдеріндегі экономиканың ғылымисыйымды секторын дамытудың
шарттары мен алғышарттары қарастырылған. Қайтаиндустрияландыру отандық өнеркәсіпті жаңа
технологиялық платформада қалпына келтіру, сондай-ақ бұрын шетелге шығарылған өнеркәсіптік
кәсіпорындарды ұлттық шекараларға, бірақ қазіргі заманғы технологиялық талаптарды ескере
отырып қайтару ретінде айқындалған. Бұл ретте Еуразиялық экономикалық одақ елдерінің қазіргі
даму кезеңі мемлекеттер тек қана қайтаиндустрияландыруды жүргізуге емес, экономиканың ин-
дустрияландырумен іс жүзінде нөлден айналысуға мәжбүр екенін көрсетеді, өйткені белгілі саяси
себептерге байланысты өнеркәсіп толығымен қираған. Қайтаиндустриаландыру саясатын жүргізу
шеңберінде Еуразиялық экономикалық одақ елдері экономикасының ғылымисыйымды секторының
дайындық деңгейі анықталды. Қазақстанның ғылымисыйымды секторының даму деңгейін және
Еуразиялық экономикалық одаққа қатысушы басқа елдермен салыстырғанда инновациялық даму
параметрлерін салыстыру көрсеткіштердің салыстырмалы төмен деңгейде екенін куәландырады.
Еуразиялық экономикалық одақ шеңберінде қайтаиндустрияландырудың интеграцияланған сая-
сатын ағымдағы қолдану қатысушы елдердің ғылыми әлеуетін арттырудың елеулі нәтижелеріне
әкелмегені анықталды. Жекелеген бағыттар бойынша керісінше нашарлау үрдісі байқалады, бұл
Еуразиялық экономикалық комиссия шеңберінде қайтаиндустрияландырудың интеграцияланған
саясатын дамыту бойынша неғұрлым егжей-тегжейлі және тиімді іс-шаралар әзірлеуді талап етеді