Қазақстандағы шаруашылық жүргізуші субъектілер үшін банктік несиелеудің қолжетімділігі: әсер етуші факторлардың өзара байланысын бағалау

Аңдатпа

Қазіргі уақытта қаржы-несие секторының несиелік мүмкіндіктері экономика субъектілерінің толыққанды дамуын қамтамасыз етуде, өндірісті жаңғырту мен әртараптандыруда, инвестициялық жобаларды қаржыландыруда стратегиялық маңызды болып табылады. Қазақстанда мемлекеттік бағдарламаларды іске асыру мақсатында қаржы-несие секторын дамыту стратегиялары әзірленеді, Екінші деңгейдегі банктердің несиелік қызметін реттеу мен ынталандырудың қазіргі заманғы тетіктері пайдаланылады. Сонымен қатар, макроэкономикалық және геосаяси факторлардың теріс әсеріне, оның ішінде іскерлік белсенділіктің төмендеуіне, Қазақстанның ірі кәсіпорындарының сыртқы қарыз алуларға және басқаларына тәуелділігіне байланысты банктердің экономиканы қаржыландыруға қатысуын кеңейту бойынша нысаналы көрсеткішке қол жеткізбеу байқалады. Мақалада несиелік ресурстарға қол жетімділіктің шектеулі болуы экономикалық субъектілерге, соның ішінде шағын және орта бизнеске үлкен кедергі болып табылады. Несиелік ұйымдар мен экономикалық субъектілердің өзара әрекеттесу процесін жақсарту үшін осы саладағы мәселелерді кешенді шешу қажет. Экономиканың нақты секторы үшін несиелердің қолжетімділігін арттыру цифрлық технологияларды, соның ішінде шешімдер қабылдау және несиелеу шарттарын қалыптастыру кезінде үлкен деректер мен жасанды интеллект талдауларын қолдану арқылы қамтамасыз етілуі мүмкін.