Қазақстанның аймақтарының көші-қондық тартымдылығы

Аңдатпа

Мақала Қазақстан халқының сыртқы және ішкі көші-қонын зерттеуге арналған. Мақаланың мақсаты – мигранттар үшін Қазақстанның тартымды аймақтарын анықтау. Жұмыстың ғылыми және практикалық маңызы зор, себебі бұл зерттеудің нәтижелері аймақтарды дамытуды стратегиялық жоспарлау кезінде және көші-қон процестерін реттеу бойынша мемлекеттік шараларды әзірлеу кезінде пайдаланылуы мүмкін. Зерттеу әдістемесі салыстырмалы тәсілді, деректерді топтастыру әдісін және көші-қон тартымдылығының жалпы коэффициентін есептеуді қамтыды. Зерттеудің нәтижелері Астана қаласы ғана мигранттар үшін тартымдылығы жоғары қала, ал Алматы облысы мен Алматы, Шымкент қалалары орташа, ал Қазақстанның қалған аймақтары тартымдылығы төмен аймақтар болып табылатынын көрсетті. Қазақстан аймақтарының жалпы көші-қон тартымдылығының коэффициенттері 2020-2024 жылдары тек Астана, Алматы, Шымкент қалаларында және Алматы облысында (2022-жылдан бастап), Маңғыстау облысында 1-ден жоғары екенін көрсетті, бұл осы аймақтардың мигранттар үшін тартымдылығы басқа аймақтарға қарағанда жоғары екенін білдіреді. Жүргізілген зерттеудің құндылығы мен жаңалығы Қазақстан аймақтарын халықтың жалпы көші-қон сальдосы бойынша топтастыру, мигранттар үшін аймақтардың тартымдылығының әлеуметтік-экономикалық факторларын бағалау мемлекеттік органдардың жұмыстарында қолданылуы мүмкін.