Құрметті рецензенттер! Рецензенттердің электрондық пошта мекенжайларына қойылатын талаптар туралы хабарландыру
«Л.Н. Гумилев атындағы ЕҰУ хабаршысының экономика сериясы» журналының редакциясы ғылыми жарияланымдарды рецензиялау үдерісінің сапасын, ашықтығын және академиялық адалдық қағидаттарын қамтамасыз ету, сондай-ақ OJS платформасындағы редакциялық жұмыстардың тиімділігін арттыру мақсатында рецензенттердің электрондық пошта мекенжайларына қойылатын талаптарды хабарлайды.
Рецензенттерді тіркеу және бекіту барысында электрондық пошта мекенжайларының дұрыстығы мен сенімділігіне ерекше назар аударылады.
Осыған байланысты:
- Рецензенттерге университеттердің, ғылыми-зерттеу ұйымдарының және басқа да ресми мекемелердің корпоративтік электрондық пошта мекенжайларын пайдалану ұсынылады.
- Корпоративтік электрондық поштаны пайдалану мүмкін болмаған жағдайда Gmail (@gmail.com) сервисін қолдануға рұқсат етіледі.
- @mail.ru, @yandex.ru, @bk.ru, @inbox.ru, @list.ru домендеріндегі және басқа да жалпыға қолжетімді жеке электрондық пошта сервистеріндегі мекенжайларды редакциямен негізгі байланыс арнасы ретінде пайдалануға жол берілмейді.
- Қазіргі уақытта журналдың OJS платформасында тіркелген рецензенттерге өздерінің электрондық пошта мекенжайларын тексеріп, қажет болған жағдайда қолданыстағы корпоративтік мекенжайға немесе Gmail мекенжайына жаңарту ұсынылады.
- Жүйелік хабарламалар мен редакция хаттары жеткізілмейтін электрондық пошта мекенжайларын міндетті түрде жаңарту қажет.
Аталған талаптар рецензиялау үдерісінің сенімділігін арттыруға, редакция мен рецензенттер арасындағы тұрақты байланысты қамтамасыз етуге және ғылыми жарияланымдардың сапасын жақсартуға бағытталған.
Құрметпен,
«Л.Н. Гумилев атындағы ЕҰУ хабаршысының экономика сериясы» журналының редакциясы
