Қазақстан аймақтарындағы ішкі туризмнің даму тенденциялары мен перспективалары

Аңдатпа

Зерттеу мақсаты. Мақала өңірлердегі туризмнің дамуын шектейтін проблемаларды зерттеуге және саланың Қазақстан экономикасына қосатын үлесін арттыру бойынша ұсыныстар әзірлеуге бағытталған. Зерттеу әдістемесі. Зерттеудің мәні Қазақстан аймақтарындағы туристік нарықтың жай-күйі мен динамикасын зерттеуде аналитикалық, статистикалық, жүйелі және кешенді тәсілдерді қолдану болып табылады. Проблемаларды тереңдетіп зерттеу үшін Қазақстан аймақтарындағы ішкі туризмнің типологиясы әдісі қолданылды. Зерттеудің өзіндік ерекшелігі/құндылығы қызмет көрсету көлемінің динамикасын, өңірлердегі ішкі туризм шығындарын зерттеуде және осы көрсеткіштерді халықтың кірісімен салыстыруда. Зерттеу нәтижелері. 20 аймақтың 12 өңірі туристік қызмет көрсетудің орташа деңгейін көрсетеді, дамуға әлеуеті бар болса да, 6 өңір туризмнен аз табыс табады. Туристік қызмет көрсету бойынша көшбасшылар – Алматы және Астана қалалары. Кейбір аймақтарда азаматтар шетелге саяхаттау үшін қыруар қаржы жұмсап, ішкі туризм шығындарынан әлдеқайда асып түседі. Елде туристік бизнестің мәдениеті әлі қалыптаспаған, қызмет көрсету түрлері жоқ, қызықты шаралар аз. Қазақстан халқының басым бөлігінің жалақысы мен табысы төмен, бұл өңірлердегі туризмнің дамымауының бір себебі. Өңірлердің типологиясы болашақта ішкі туризмді дамыту шараларын аймақтардың әрбір тобы үшін жеке әзірлеуге мүмкіндік береді.