Инновациялық жүйелердің дайындық деңгейін бағалаудың әдістемесі

Аңдатпа

Мақсаты – өңірлер мен кластерлердің ғылыми-техникалық және инновациялық әлеуетінің даму деңгейін бағалаудың қолданыстағы тәсілдерін зерттеу, сондай-ақ инновациялық жүйелердің дайындық деңгейін бағалаудың авторлық әдістемесін әзірлеу. Әдістері – инновациялық дамуды бағалау әдістемелерін зерттеуде салыстырмалы талдау, абстрактілі-логикалық және жүйелік тәсілдер қолданылды. Нәтижелері – қолданыстағы әдістемелердің негізгі артықшылықтары мен ерекшеліктері, сондай-ақ олардың практикалық қолданылуын шектейтін кемшіліктері айқындалды. Қазіргі уақытта инновациялық жүйелердің даму деңгейін бағалаудың әмбебап әдістемесі жоқ екені анықталды. Интегралды индекстерге негізделген тәсілдер мұндай жүйелердің жетілу деңгейін кешенді бағалауға мүмкіндік бермейді. Мақалада инновациялық экожүйе қатысушыларының өзара әрекеттесу ерекшеліктерін ескере отырып және TRL (Technology Readiness Level) құралын біріктіре отырып, инновациялық жүйелердің дайындық деңгейін бағалаудың авторлық әдістемесі ұсынылған. Ұсынылған бастама инновациялық ортаның жетілу деңгейін кешенді талдауға, технологияларды коммерцияландыру үдерісіндегі тар тұстарды анықтауға және инновациялық дамуды басқару саласындағы шешімдердің негізділігін арттыруға мүмкіндік береді. Қорытынды – әзірленген әдістеме инновациялық жүйелердің даму жағдайын ұлттық деңгейде де, өңірлік (жергілікті) деңгейде де бағалауға мүмкіндік береді, сондай-ақ салалық кластерлерді қалыптастыру кезінде салалық ерекшеліктерді ескере отырып бейімделе алады.