Түркістан облысының шағын қалалар туристік брендін тарихи-мәдени мұра арқылы ілгерілету

Аңдатпа

Аталмыш мақалада Түркістан облысының шағын қалаларының туристік брендін қалыптастыру мен ілгерілетудің өңірдің мәдени-тарихи мұрасы негізінде теориялық-әдістемелік және қолданбалы аспектілері қарастырылады. Зерттеу тақырыбының өзектілігі өңірлік туризмді тұрақты дамыту қажеттілігімен, инвестициялық тартымдылықты арттырудың маңыздылығымен және аймақтың бірегей имиджін қалыптастырумен тығыз байланысты.

Зерттеудің мақсаты шағын қалалардың туристік дестинация ретіндегі әлеуетін анықтау, туристер мен жергілікті қауымдастықтың туристік брендті қабылдау дәрежесін талдау,  сондай-ақ, өңірдің мәдени ерекшелігіне негізделген концептуалды модельді әзірлеу болып табылады. Зерттеу барысында контент-талдау, әлеуметтік сауалнама, SWOT талдау әдістері қолданылды. Эмпирикалық база Сауран қаласында алынған зерттеу нәтижелерін құрайды.

Зерттеу нәтижесінде аймақтың шағын қалаларында туристік бренд қалыптастырудағы түйінді артықшылықтар мен кемшіліктер анықталды. Әзірленген концептуалды модель шағын қалаларда туризмді дамытуды стратегиялық жоспарлауда маңызды рөл атқарады.