Ет өңдеу өнеркәсібіне инвестициялар – Қазақстанның аграрлық секторының бәсекеге қабілеттілігінің өсу факторы

Аңдатпа

Бұл мақалада Қазақстандағы ет өңдеу кешенін дамыту мақсатында инвестициялау саласындағы аграрлық саясаттың негізгі бағыттары көрсетілген. Қазіргі уақытта елдің ет өңдеу өнеркәсібі
өнімділігінің төмен болуына, өнімнің өзіндік құнына жоғары шығындарға, тігінен интеграцияланған
құрылымдарды, оның ішінде кооперативтерді қалыптастырудағы заңнамалық базаның жетілмегендігіне байланысты жекелеген тамақ өнімдері бойынша ішкі нарықты жеткілікті қамтамасыз етпейді.
Өкінішке орай, елдің аграрлық секторында инвестициялық әлеует толық көлемде пайдаланылмайды,
мал шаруашылығы саласында бірлескен өңіраралық инвестициялық жобалар аз, отандық және шетелдік инвестицияларды тарту үшін қолайлы орта құрылмаған, зерттелетін секторда инфрақұрылым мен
инновациялық кәсіпорындарды дамытуға инвестициялық салымдар үлесінің төмендігі байқалады. Нарықтық жағдайда аграрлық өнімнің, оның ішінде мал шаруашылығының бәсекеге қабілеттілігі шешуші
мәнге ие болады. Агроөнеркәсіптік өндіріс практикасына шаруашылық жүргізуші субъектілердің кооперациясын енгізу бәсекеге қабілетті және экологиялық таза өнім өндірісін арттыруға мүмкіндік береді,
шаруашылық жүргізудің шағын нысандарының кірісін арттырады. Бұл міндеттерді шешу аграрлық
өнімнің, оның ішінде мал шаруашылығының бәсекеге қабілеттілігін арттыруға, яғни ЕАЭО елдері мен
алыс шетелдердің аграрлық нарықтарында ауыл шаруашылығы өндірушілерінің орнықты ұстанымдарын қамтамасыз етуге ықпал ететін болады.