Қазақстанның аграрлық секторындағы инновациялық интеграцияланған құрылымдардың болашағы

Аңдатпа

Инновациялық негізде кәсіпорындарды басқару тетігін қайта құру мәселесі бірінші орынға шығады. Қазіргі заманның жаһандық сын-қатерлеріне жауап беру үшін шаруашылық жүргізуші субъектілер дамудың ең үздік стратегияларын қалыптастыруы, өндірістің ұйымдастырушылық құрылымын жетілдіруі, басқарудың инновациялық нысандарын ұдайы енгізуі қажет. Зерттеудің мақсаты әлемде бар интеграцияланған инновациялық құрылымдарды зерделеу және Қазақстанның аграрлық секторында озық тәжірибені қолдану мүмкіндігін бағалау болып табылады. Зерттеу әдісі шағын бизнестің шаруашылық жүргізуші субъектілерінің, жеке кәсіпкерлердің, жеке қосалқы шаруашылықтардың интеграциясын зерделеуге аналитикалық, статистикалық, жүйелік және кешенді тәсілдерді қолдану; АӨК салалық ерекшелігі контекстінде интеграциялық процестер туралы ғылыми түсініктерді кеңейту және нақтылау болып табылады. Зерттеу нәтижелері шағын ауыл шаруашылығы тауар өндірушілерін ұжымдық меншікті білдіретін интеграцияланған құрылымға біріктіру бойынша ұсыныстар әзірлеу болып табылады, мұнда меншік иелері – пайшылар және кіріс енгізілген салымға сәйкес бөлінеді. Инновациялық негіздегі интеграция экономиканың жаңа тетіктерін енгізуге, нарықты азық-түлікпен тез қанықтыру мақсатында жұмыстың жоғары нәтижелеріне қол жеткізуге мүмкіндік береді.